cranios privilexiados

Efecto Joule

craniosprivilexiados — Fri, 05 Oct 2007 11:23:08 +0000

Pregunta: Explica que é o Efecto Joule e cando se produce

Resposta: Cando os átomos se poñen en funcionamento e chocan entre si, e cando chocan e cando a pila se agota, cando a pila se pon en funcionamento e cando tamén os átomos se poñen a funcionar.

Claro, resultaría demasiado doado dicir: produción de calor nun condutor ao circular corrente eléctrica a través do mesmo.

Mira que se complicou o rapaz!

chuzame -

craniosprivilexiados — Wed, 28 Mar 2007 08:56:31 +0000

Finais de marzo. Bágoas e risos. Apostas a ver quen suspende e aproba. Profes con caras serias. Exames tuneados en vermello... En medio desta voráxine un alumno, disconforme coa súa nota na avaliación, protesta airadamente ao seu profesor exclamando:

- "Boh!! e que eu non sabía que os puntos menos restaban!!!!!!!

Definitivamente, vese que non andamos ben no estudo dos números enteiros....

chuzame -

craniosprivilexiados — Thu, 08 Feb 2007 19:14:37 +0000

chuzame -

Segredos que non o son tanto

craniosprivilexiados — Thu, 11 Jan 2007 16:04:09 +0000

Nunha clase sobre as transformacións enerxéticas, o profesor pregunta:
- "¿Que transformacións de enerxía se dan nun refresco que arrefría nun frigorífico?"

Un alumno espabilado contesta ao instante:
- "Pois, a enerxía eléctrica que proporciona o frigorífico transfórmase en enerxía nuclear"
Ante a reacción de asombro do profesor, o alumno matiza:
- " ¿E logo non se fusionan os átomos?"

Definitivamente, vese que hai moita xente que coñece a fórmula da Coca-Cola. Para que despois digan que é un segredo...

chuzame -

Feliz ano!!!

craniosprivilexiados — Thu, 21 Dec 2006 11:34:19 +0000

Exame de Literatura de primeiro de Bacharelato:

Explica un motivo polo que o feito literario é sempre un feito social:

"O feito literario é un feito social porque entre emisor e receptor hai comunicación anal".

O dito, feliz ano!!

chuzame -

Herdanzas

craniosprivilexiados — Thu, 21 Dec 2006 11:08:03 +0000

Neste exame de segundo da ESO demos coa clave da explicación da sociedade estamental:

"Estamento. Papel que se fai antes de morrer deixando os teus bens a outra persoa."

A quen lle deixou os seus bens o Antigo Réxime?

chuzame -

Ornitorrincolaringólogo

craniosprivilexiados — Tue, 12 Dec 2006 12:53:03 +0000

Exame de Música de segundo da ESO. Pregunta a profesora polo nome do médico do oído:

- Alumno 1: "Ornitorrinco."

- Alumno 2: "Que non, animal!"

- Profesora: "A ver, como se di logo?"

- Alumno 2 (todo cheo): "Otorrinonaringólogo."

chuzame -

Movendo os reloxos

craniosprivilexiados — Tue, 07 Nov 2006 10:06:11 +0000

Remítenos esta "resposta lucidamente errada" un colega dende o Colexio Compañía de María de Santiago de Compostela:

Isto ocorreu o primeiro ano que dei clase, polo que me quedou profundamente marcado no cerebro. Hoxe probablemente o consideraría unha resposta lucidamente errada.Estabamos co tema de Movemento Harmónico simple, no que estudamos que o periodo de oscilación dun péndulo depende da lonxitude do fío e máis do valor da gravidade. A pregunta do exame dicía algo así como: un reloxo de péndulo funciona correctamente na Terra. Que habería que facer para que siga funcionando correctamente se o levamos á Lúa, onde a gravidade é 1/6 da da Terra?A resposta foi: aumentar 6 veces a gravidade da Lúa.Isto pasa por andar movendo os reloxos a sitios onde ninguén os precisa.

chuzame -

E tan pancho

craniosprivilexiados — Mon, 30 Oct 2006 12:39:28 +0000

Despois de varios minutos que o pobre profesor de Música dedica a explicar as excelencias do Concerto para violonchelo de Witold Lutoslawski, decídese a pulsar o play para que as/os alumnas/os poidan gozar del. Nese momento un alumno salta: "Profesor!". O profesor, sobresaltado, interrompe a reprodución da obra e escoita atónito a pregunta que tan urxentemente tiña que realizar o aplicado alumno:

- Cantos eran "Los Panchos"?

chuzame -

Darwinstóteles

craniosprivilexiados — Mon, 19 Jun 2006 16:49:13 +0000

Nun exame de Filosofía de primeiro de Bacharelato podemos ler:

"Aristóteles foi un filósofo e astrónomo que recolleu a información sobre os avances científicos da Idade Media dado que houbo un parón evolucionista."

chuzame -