cranios privilexiados

Feliz ano!!!

Exame de Literatura de primeiro de Bacharelato: 

Explica un motivo polo que o feito literario é sempre un feito social:

"O feito literario é un feito social porque entre emisor e receptor hai comunicación anal".

O dito, feliz ano!!

chuzame

Herdanzas

Neste exame de segundo da ESO demos coa clave da explicación da sociedade estamental:

"Estamento. Papel que se fai antes de morrer deixando os teus bens a outra persoa."

A quen lle deixou os seus bens o Antigo Réxime?

chuzame

Descartada

   

  Nun exame de 2º de bacharelato unha rapaza escribiu:

 

"Descartes naceu no ano 1956 (...) e alistouse no exército do duque de Baviera debido á Guerra Fría".  

   

Ollo ás novas investigadoras!!! 

A ver se traemos a Descartes un día ao instituto para que nos conte como lle foi nesa guerra.

chuzame

Mete medo!

Unha aplicada profesora fala da estrutura dun xornal. Nunha páxina vén unha palabra rara: "efemérides". Pero a audaz docente é quen de explicala e mesmo se atreve a buscar algún exemplo:
- A ver, que se celebra o 12 de outubro?
- O 12 non sei, pero o 30, Halloween.

Estas respostas si que son das que meten medo.

chuzame

Delitos postmodernos

Certo día, un grupo de primeiro de bacharelato estaba resultando particularmente pesado e difícil de aturar.
O pobre do profesor dirixiu a clásica pregunta retórica: "Que fixen eu para merecer isto". Ante o que un alumno amante das madeiras contestou sen maior rubor: "Estudar".

Que gran delito! Kant, definitivamente, morreu.

chuzame

Audacia empresarial

Ciclo Medio de Comercio.
Asignatura: Administración.
Pregunta: Defina "marca".
Resposta: Periódico deportivo que fala máis de fútbol ca de baloncesto.

chuzame